Հանդիպումից հետո Պուտինը և Թրամփը համատեղ մամուլի ասուլիս կտան

Ռուսաստանի և ԱՄՆ-ի առաջնորդներ Վլադիմիր Պուտինը և Դոնալդ Թրամփը օգոստոսի 15-ին Ալյասկայում կայանալիք գագաթնաժողովից հետո միասին կհանդիպեն լրատվամիջոցների հետ և կտեղեկացնեն նրանց բանակցությունների արդյունքների մասին։ Այս մասին ճեպազրույցի ժամանակ հայտարարել է Ռուսաստանի նախագահի արտաքին քաղաքականության հարցերով օգնական Յուրի Ուշակովը։

«Բանակցությունների ավարտից հետո Վլադիմիր Պուտինը և Դոնալդ Թրամփը կանցկացնեն համատեղ մամուլի ասուլիս, որի ժամանակ կամփոփեն բանակցությունների արդյունքները», — նշել է Կրեմլի ներկայացուցիչը։