Ռուսաստանը շարունակական կապեր է պահպանում Իրանի հետ Հարավային Կովկասի անվտանգության հարցերով. Մոսկվայում ուշադիր ուսումնասիրել են Իրանի կողմից արած հայտարարությունները՝ կապված Վաշինգտոնում Հայաստանի, Ադրբեջանի և ԱՄՆ-ի առաջնորդների համաժողովի վերաբերյալ և այդ հայտարարություններում տեսնում են տարբեր նրբություններ և շեշտադրումներ: Այս մասին բրիֆինգի ընթացքում հայտնել է Ռուսաստանի Դաշնության ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Ֆադեևը։
Նրա խոսքով՝ Հարավային Կովկասի խնդիրների օպտիմալ լուծումը տարածաշրջանի երկրների կողմից իրենց անմիջական հարևանների աջակցությամբ մշակված լուծումներ գտնելն ու իրականացնելն է՝ «Երրորդ կողմի խաղացողների ներգրավումը պետք է միայն նպաստի խաղաղության օրակարգի ամրապնդմանը, այլ ոչ թե ստեղծի լրացուցիչ դժվարություններ և բաժանարար գծեր», — նշել է դիվանագետը։
