ԱՄՆ-ի U. S. Steel գործարանում տեղի ունեցած պայթյունի հետևանքով երկու մարդ է զոհվել

Փենսիլվանիա նահանգի Քլերթոն քաղաքում U. S. Steel պողպատաձուլական ընկերության գործարանում տեղի ունեցած պայթյունի հետևանքով երկու մարդ է զոհվել, 10-ը՝ վիրավորվել։ Այս մասին հայտնել են Ալեգեյնի շրջանի իշխանությունները։

Մամուլի ասուլիսի ժամանակ շրջանի ոստիկանության ներկայացուցիչը հայտնել է, որ գործարանում տեղի ունեցած պայթյունից հետո 10 տուժած է տեղափոխվել հիվանդանոց, բացի այդ, մեկ մարդ զոհվել է, ևս մեկը համարվում է անհայտ կորած։ Ավելի ուշ Ալեգեյնի շրջանի արտակարգ իրավիճակների ծառայությունը Facebook-ում հայտարարել է, որ «կարող է հաստատել, որ միջադեպի հետևանքով ևս մեկ մարդ է զոհվել»։

Այս պահին, ըստ շտապօգնության ծառայությունների՝ հիվանդանոցներ տեղափոխված 10 մարդկանցից հինգն արդեն ստացել են բուժօգնություն և դուրս են գրվել։ Նշվում է նաև, որ զոհերի ճշգրիտ թիվը հայտնի չէ՝ «հաշվի առնելով միջադեպի մասշտաբները»։ Միջադեպի հետաքննությունը շարունակվում է։

Լրահոս

Օրացույց

Օգոստոսի 2025
Ե Ե Չ Հ Ու Շ Կ
 123
45678910
11121314151617
18192021222324
25262728293031