Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև սպասվող հանդիպումը կարող է պատմական դառնալ։ Այս կարծիքը հայտնել է Ռուսաստանի ուղղակի ներդրումների հիմնադրամի ղեկավար, Ռուսաստանի նախագահի արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը։
«Ռուսաստանը հաստատում է, որ Պուտին-Թրամփ գագաթնաժողովը կարող է տեղի ունենալ հաջորդ շաբաթ, և դրա նախապատրաստական աշխատանքները շարունակվում են։ Այս հանդիպումը կարող է պատմական լինել։ Երկխոսությունը կհաղթի», — գրել է նա X-ում։
Ինչպես լրագրողներին հայտնել է Ռուսաստանի առաջնորդի օգնական Յուրի Ուշակովը, Պուտինը և Թրամփը հանդիպում կունենան առաջիկա օրերին: Առաջնորդների հանդիպման նպատակային ամսաթիվը նշանակվել է հաջորդ շաբաթը, և գագաթնաժողովը ներկայումս մշակվում է։ Պուտին-Թրամփ հանդիպման վայրը համաձայնեցված է, և Կրեմլը դրա մասին կտեղեկացնի «մի փոքր ավելի ուշ»։
