«Նրանք ոչ թե աշխատավարձ չեն ստացել, այլ աշխատանքային պայմանների բարելավում են պահանջում»։ Այս մասին @ArmeniaSputnik-ի հետ զրույցում ասել է Իջևանի «Իջ-Գրանդ» տեքստիլ արտադրամասի տնօրեն Մհեր Միրզոյանը՝ խոսելով այն մասին, որ երեկ Հնդկաստանի մի խումբ քաղաքացիներ Իջևանում ճանապարհ էին փակել և աշխատավարձի բարձրացում էին պահանջում։
Նա նշել է , որ Հնդկաստանի քաղաքացիները աշխատավարձի բարձրացում ու աշխատաժամանակի կրճատում են պահանջում այն դեպքում, երբ 3 տարվա աշխատանքային պայմանագիր ունեն կնքած համապատասխան պայմաններով։
«Ավելի լավ է ես հիմնարկը փակեմ, քան թե այդ պայմաններով աշխատեմ։ Կան աշխատողներ, որոնց 3 տարվա աշխատանքային պայմանագիրն ավարտվում է, ես նրանց համար տոմս եմ գնում, նրանց տուն եմ ուղարկում կամ եթե ուզում են՝ երկարաձգում ենք պայմանագիրը»–լրատվամիջոցի հետ զրույցում ասել է Մհեր Միրզոյանը։
Ավելի վաղ հայտնել էինք, որ օգոստոսի 6-ի երեկոյան Իջևանում Հնդկաստանի մի խումբ քաղաքացիներ, ովքեր աշխատում են քաղաքի արտադրամասերից մեկում, փակել էին Իջևան-Երևան միջպետական ճանապարհը։
