Պուտինը և Ուիթքոֆը քննարկել են ուկրաինական ճգնաժամը․ Ուշակով

Ռուսաստանի նախագահ Վլադիմիր Պուտինը և ԱՄՆ նախագահի հատուկ ներկայացուցիչ Սթիվեն Ուիթքոֆը քննարկել են ուկրաինական ճգնաժամը և ԱՄՆ-ի ու Ռուսաստանի միջև ռազմավարական համագործակցության հնարավոր զարգացման հեռանկարները, լրագրողներին հայտնել է Ռուսաստանի նախագահի օգնական Յուրի Ուշակովը։

«Եթե քննարկենք թեմաները, ապա առաջին հերթին, իհարկե, դա ուկրաինական ճգնաժամն է։ Եվ երկրորդ թեման ԱՄՆ-ի և Ռուսաստանի միջև ռազմավարական համագործակցության հնարավոր զարգացման հեռանկարներն են», — լրագրողներին ասել է Ուշակովը։