Հնդկաստանի հյուսիսային Ուտտարահանդ նահանգում տեղի ունեցած ջրհեղեղների և սողանքների հետևանքով առնվազն 60 մարդ անհետ կորել է, հաղորդում է PTI-ն։
Անհետ կորածների թվում են 11 հնդիկ զինվորներ: Գիշերային ժամերին աղետի գոտիներից յոթանասուն մարդ է փրկվել: Առավել շատ տուժել են Ուտտարակշի և Դհարալի բնակավայրերը, որոնք երկու անգամ անընդմեջ տուժել են հանկարծակի տեղացած ուժեղ անձրևներից և դրանից առաջացած սողանքներից և ջրհեղեղներից: Ուտտարահանդում փրկարարական գործողությունը շարունակվում է: Դրա իրականացումը բարդանում է շարունակվող անձրևների պատճառով:
Պաշտոնյաները նախկինում հայտնել են չորս զոհի մասին, սակայն չեն բացառում, որ զոհերի թիվը կարող է աճել՝ Դհարալիում տարերային աղետի լայնածավեն հարվածի պատճառով։ Աղետից տուժած շրջաններում ավերվել են տներ և ճանապարհներ, վնասվել են էլեկտրահաղորդման և կապի գծերը։
Ուտարահանդում անդադար անձրևների պատճառով նահանգի մի քանի խոշոր գետերում ջրի մակարդակը գերազանցել է վտանգավոր նիշը։ Իշխանությունները ուշադիր հետևում են իրավիճակին։ Հնդկաստանի վարչապետ Նարենդրա Մոդին զրույց է ունեցել Ուտարահանդի գլխավոր նախարար Պուշկար Սինգհ Դհամիի հետ։
