ՀԷՑ-ի ժամանակավոր կառավարիչ Ռոմանոս Պետրոսյանը հերթական ՔՊ-ականին է նշանակել կառույցում պաշտոնի։
Այս անգամ ՔՊ-ական Ռոմանոս Պետրոսյանը ՀԷՑ-ի «Նաիրի» մասնաճյուղի տնօրեն է նշանակել Բյուրեղավանի ավագանու ՔՊ խմբակցության անդամ Վլադիմիր Վարդեւանյանին։
Հատկանշական է, որ Վարդեւանյանը Ռոմանոս Պետրոսյանի նշանակման օրվանից ակտիվ իր ֆեյսբուքյան էջում կիսվում է վերջինիս գրառումներով` ՀԷՑ-ին վերաբերող։
Ի դեպ, Վարդեւանյանն այսօր իր ֆեյսբուքյան էջում գրառում է կատարել ու շնորհակալություն հայտնել Պետրոսյանին։
«Շնորհակալություն եմ հայտնում ՀԷՑ ժամանակավոր կառավարիչ Ռոմանոս Պետրոսյանին՝ վստահության համար։
Շարունակում եմ ծառայել հայրենիքիս՝
հանուն կայուն զարգացման և հանրային բարեկեցության»,- գրել է նա։
