Ակնհայտ է, որ ԱՄՆ նախագահի համար հայ-ադրբեջանական կոնֆլիկտի, թեկուզ և իր ձևով` «թրամփավարի» հանգուցալուծումը վերածվել է նոբելյան մրցանակի համար բոնուսներ հավաքելու գործիքի: Այս մասին ասուլիսի ժամանակ ասել է ՀՀԿ փոխնախագահ Արմեն Աշոտյանը:
«Իմ մտավախությունները երկուսն են. մեկը` գեոպոլիտիկ, որովհետեւ նման տեսակի գործարքի հնարավոր ի հայտ գալը տարածաշրջանում բնական գեոպոլիտիկ ներկայություն չունեցող ուժի հովանու ներքո պրոբլեմատիկ է լինելու Հայաստանի արտաքին և անվտանգային միջավայրերի համար»,- նշել է նա:
Աշոտյանը նաև նշել է, որ Փաշինյանի բանագնացները երկար ժամանակ հպարտանում էին, որ որևէ միջնորդի կարիք չունեն, իրենք Ադրբեջանի հետ լավ բանակցում են։
