Հայաստանում քաղաքական նոր ուժերի ստեղծման համար կա պարարտ հող: Այդ պարարտ հողն ակնհայտ է սոցիոլոգիական բոլոր հետազոտություններով, այդ պարարտ հողը ակնհայտ է նաև այն հագամանքից ելնելով, որ եղած քաղաքական միավորներն ընդդիմադիր թե իշխանական դարձել են այս պահի դրությամբ, ընդդիմության մասով ասեմ, ցավոք չափից ավելի կոշտ, ճկուն չեն, ցավոք սրտի, ադ թվում այս պահի դրությամբ մենք: Եվ անգամ այս տեսական վերլուծությունը ցույց է տալիս, որ ցանկացած նոր ընդդիմադիր ուժի ի հայտ գալու համար, մնացած ընդդիմադիր ուժերը պետք է, որ լինեն շահագրգռված: Այս մասին իր մամուլի ասուլիսի ժամանակ հայտարարել է ՀՀԿ փոխնախագահ Արմեն Աշոտյանը:
«Անդրադառնալով կոնկրետ Սամվել Կարապետյանի անվան հետ կապվող նոր քաղաքական զարգացումներին՝ կարող եմ ասել ավելի հստակ, մենք՝ հանրապետականներս, շահագրգռված ենք:
Շահագրգռված ենք, որպեսզի մեզ գաղափարական իմաստով այս դաշտում նոր, ինչքան հանարավոր է ուժեղ, այնքան լավ միավոր ձևավորվի: Բայց ես կարծում եմ, որ մենք այս դաշտում մի քիչ շտապում ենք:
Ես կուզենամ, որ Սամվել Կարապետյանի քաղաքական պրոեկտով զբաղվող թիմը հարցուպատասխաններից հանկարծ չշտապի: Հանրության ակնկալիքները կան, բայց այս լրատվաքաղաքական դիսկուրսը չպետք է շտապեցնի այդ մարդկանց, ոչ էլ ուշացնի:
Հանրապետականն ընդդիմադիր բոլոր ուժերի համար քաղաքական դաշտում լավ ընկեր է»,-ասել է Արմեն Աշոտյանը:
