Աջարիայում բացվել է Եվրոպայի ամենաերկար զիփլայնը։ Այն գտնվում է Չիրուխի լեռան վրա, դրա երկարությունը 1789 մետր է, հայտնում է «Սպուտնիկ» գործակալության վրացական ծառայությունը:
Տեղադրման աշխատանքները, տեխնիկական շահագործումը և անվտանգության վերահսկողությունը իրականացրել է իտալական ընկերությունը: Նախագծի ընդհանուր արժեքը կազմել է 9 միլիոն լարի (3.3 միլիոն դոլար):
«Չիրուխի զիփլայնը լեռնային Աջարիայում նոր, եզակի զբոսաշրջային ենթակառուցվածքային օբյեկտ է, որը, մի կողմից, կնպաստի զբոսաշրջային ներուժի ավելացմանը, իսկ մյուս կողմից՝ դրական ազդեցություն կունենա բնակչության սոցիալ-տնտեսական վիճակի վրա», — ասել է Աջարիայի կառավարության նախագահ Սուլխան Թամազաշվիլին։
