Իրանի արտաքին գործերի նախարարության խոսնակ Իսմայիլ Բաղային մերժել է Իրանի միջուկային ծրագրի շուրջ ստեղծված ճգնաժամը լուծելու համար ԱՄՆ-ի հետ ուղղակի բանակցություններ վարելու հնարավորությունը։
«Ոչ, դա բացառված է», — շաբաթական մամուլի ասուլիսի ժամանակ նա այդկերպ է պատասխանել լրագրողի հարցին։
Իրանի և ԱՄՆ-ի միջև միջուկային համաձայնագրի շուրջ Օմանի միջնորդությամբ անցկացված անուղղակի բանակցությունների հինգ փուլերը 2025 թվականին անարդյունք են եղել՝ հանրապետության դեմ Իսրայելի ռազմական գործողության սկսման և ԱՄՆ զինված ուժերի կողմից Իրանի միջուկային օբյեկտներին հասցված հարվածների պատճառով։ Միաժամանակ, Թեհրանի հետ բանակցություններ են վարել «եվրոպական եռյակի» երկրների (Մեծ Բրիտանիա, Գերմանիա և Ֆրանսիա) ներկայացուցիչները, որոնք չեն կարողացել միջնորդի դեր խաղալ Իրանի միջուկային նոր համաձայնագրի կնքման գործում։
