Արևելյան Ավստրալիայի մի շարք քաղաքներ ծածկվել են վերջին տասնամյակների ընթացքում առաջացած ամենահաստ ձյան շերտով, հայտնում է Reuters գործակալությունը՝ վկայակոչելով տեղական իշխանություններին։
«Արևելյան Ավստրալիայի մի շարք քաղաքներ ծածկվել են վերջին տասնամյակների ընթացքում առաջացած ամենահաստ ձյան շերտով… ինչը հանգեցրել է ջրհեղեղների, մեքենաների շրջափակումների և հազարավոր տներում էլեկտրաէներգիայի անջատումների»,- գրում է գործակալությունը։
Գործակալությունը նշում է, որ շաբաթ օրը Նոր Հարավային Ուելսի հյուսիսում մինչև 40 սանտիմետր ձյուն է տեղացել, ինչը տեղի չի ունեցել 1980-ականների կեսերից ի վեր։
Նոր Հարավային Ուելսի փրկարար ծառայությունից հայտնել են, որ 1455 միջադեպ է գրանցվել, ձյան պատճառով ավելի քան 100 մեքենա է շրջափակվել, փոթորիկի հետևանքով տներ են վնասվել և մի շարք շրջաններում ջրհեղեղի նախազգուշացումներ են տարածվել։
Գործակալությունը հայտնում է, որ տասը տարվա ընթացքում առաջին անգամ ձյուն է տեղացել նաև հարևան Քվինսլենդ նահանգում։
Տասնյակ հազարավոր տներ մնացել են առանց էլեկտրաէներգիայի, եզրափակում է Reuters-ը։
