Իրանի նախագահ Մասուդ Փեզեշքիանն իր երկրի պաշտոնյաների հետ հանդիպման ժամանակ հարցրել է, թե ինչու կարող է Իսրայելը համագործակցել Ադրբեջանի հետ, իսկ Թեհրանը՝ ոչ։
«Ադրբեջանը մեր հարազատ ժողովուրդն է։ Ինչո՞ւ մենք չենք կարող գնալ այնտեղ և համաձայնագիր կնքել, իսկ Իսրայելը կարող է։ Մենք չենք կարող կարգավորել մեր հարաբերությունները, բայց նրանք կարող են։ Եթե հարևան երկրների միջև կապը չի հաստատվում, դա մեր մեղքն է։ Եթե հարաբերություններ չկան, դա մեր պատասխանատվությունն է»,- ասել է նա։
Մասուդ Փեզեշքիանը շեշտել է, որ եթե Ադրբեջանի հետ դիվանագիտական հարաբերություններ չեն հաստատվում, դա Իրանի մեղքն է, և նշել, որ «մենք ինքներս ենք Ադրբեջանի և Իսրայելի բարեկամության պատճառը»։
