Հուլիսի 3-ին, իշխող «Քաղաքացիական պայմանագիր» խմբակցության նախաձեռնությամբ, Երևանում անցկացվում է Ազգային ժողովի արտահերթ նստաշրջան։ Սա օրվա երկրորդ արտահերթ նստաշրջանն է։
Օրակարգում միայն մեկ հարց է՝ «Պետական իշխանությունը բռնությամբ զավթելու անթույլատրելիության և ժողովրդավարության պաշտպանության մասին» Ազգային ժողովի հայտարարության նախագիծը։ Ազգային ժողովը, ինչպես կարծում է «Քաղաքացիական պայմանագիրը», պետք է իր գնահատականը տա «ՀՀ-ի դեմ պլանավորված ահաբեկչության փաստին»։
Սակայն խորհրդարանական ընդդիմությունը հրաժարվել է մասնակցել այս հարցի քննարկմանը: «Հայաստան» խմբակցության քարտուղար Արծվիկ Մինասյանը, հայտարարեց, որ այս հայտարարության նախագիծը ոչ այլ ինչ է, քան միջամտություն «Սրբազան պայքար» շարժման ակտիվիստների գործերը քննող քննչական մարմինների աշխատանքին, որոնց դեմ էլ հենց ուղղված է փաստաթուղթը:
