Իլոն Մասկը շարունակում է վիճել Դոնալդ Թրամփի հետ «Մեծ գեղեցիկի օրենքի» շուրջ: Տեխնոլոգիական միլիարդատերը նույնիսկ չի վախենում ԱՄՆ նախագահի սպառնալիքներից՝ դադարեցնել իր ընկերության պետական սուբսիդիաները, գրում է Bild-ը: Նա սպառնում է անցնել քաղաքական հարձակման: Երբ X օգտատերերից մեկը հարցրել է, թե էլ ով է ցանկանում գումար նվիրաբերել հանրապետական կոնգրեսական Թոմաս Մասիի նախընտրական քարոզարշավին, Մասկը պատասխանել է. «Ես»:
Մասսին համարվում է Թրամփի ոխերիմ թշնամին Հանրապետական կուսակցության ներսում: Նա ոչ միայն մերժում է «Մեծ գեղեցիկի օրենքը», այլև քննադատել է Իրանի միջուկային օբյեկտների վրա ռազմական հարվածը: Ի պատասխան՝ Թրամփը իր կուսակից գործընկերոջը անվանել է «խղճուկ անհաջողակ» և հրապարակայնորեն հեռացրել է նրան MAGA շարժումից, որը Թրամփի կողմնակիցների գաղափարախոսական միջուկն է:
Մասսին իր հիացմունքն է հայտնել Մասկի աջակցության համար և Fox News-ին ասել. «Ես շատ շնորհակալ եմ Իլոն Մասկին նրա ֆինանսական աջակցության համար, որը թույլ կտա ինձ շարունակել կատարել իմ լիազորությունները որպես անկախ ձայն Կոնգրեսում՝ իմ ընտրողների շահերից ելնելով»:
Նա իրեն համարում է ազնիվ կոնգրեսական, ով իր անկախության շնորհիվ հրահրում է Վաշինգտոնի «քաղաքական ճահճի» զայրույթը։
