Իսրայելը հաստատել է, որ համաձայնել է ԱՄՆ նախագահ Դոնալդ Թրամփի Մերձավոր Արևելքի բանագնաց Սթիվ Ուիթքոֆի ներկայացրած հրադադարի առաջարկին: Նախօերին Թրամփը հայտարարել էր, որ երկիրը «համաձայնել է Գազայում պատերազմը դադարեցնելու համար անհրաժեշտ պայմաններին», հաղորդում է NBC News-ը։
«Մենք լուրջ ենք տրամադրված պատանդների և հրադադարի վերաբերյալ համաձայնության հասնելու հարցում,- Էստոնիա կատարած պետական այցի շրջանակում մամուլի ասուլիսի ժամանակ հայտարարել է Իսրայելի արտգործնախարար Գիդեոն Սաարը։ -Մենք համաձայնեցինք հատուկ բանագնաց Ուիթքոֆի առաջարկների հետ»։
Սաարը չի ճշտել առաջարկի մանրամասները, սակայն հավելել է, որ «իրենց նպատակն է հնարավորինս շուտ սկսել անուղղակի բանակցությունները»։
Ավելի վաղ Թրամփը Truth Social սոցիալական ցանցում գրել էր, որ իր ներկայացուցիչները «երկար և արդյունավետ հանդիպում են ունեցել իսրայելցիների հետ՝ Գազայի հարցով»: Այդ ընթացքում նրանք «համաձայնեցրել են 60-օրյա հրադադարն ավարտելու համար անհրաժեշտ պայմանները, նշելով, որ ԱՄՆ-ը կաշխատի բոլոր կողմերի հետ՝ պատերազմը դադարեցնելու համար»։
