Հարավային Կարոլինայի բնակիչը, որը երկու անգամ մահապատժի էր դատապարտվել առանձին սպանությունների համար, ուրբաթ մահապատժի է ենթարկվել մահացու ներարկման միջոցով, ինչը նահանգում ինը ամսվա ընթացքում իրականացված վեցերորդ մահապատիժն էր, հաղորդել է NBC News-ը:
57-ամյա Սթիվեն Ստանկոն մահացած է ճանաչվել տեղի ժամանակով ժամը 18:34-ին:
Նա մահապատժի է ենթարկվել 2005թ. Հորի օկրուգում ընկերոջը սպանելու, ապա նրա բանկային հաշիվը թալանելու համար։
Ստանկոն նաեւ մահապատժի էր դատապարտվել իր ընկերուհուն մի քանի ժամ առաջ սպանելու համար՝ նրա Ջորջթաունի տանը, խեղդամահ անելով նրան, երբ բռնաբարում էր նրա դեռահաս դստերը։ Ստանկոն կտրել էր դեռահասի կոկորդը, բայց նա ողջ էր մնացել։
Ստանկոն նախընտրել է գնդակահարությամբ մահապատիժը, ինչպես եւ երկու բանտարկյալները նրանից առաջ։ Սակայն երբ այդ կերպ սպանված վերջին բանտարկյալի դիահերձումը ցույց էր տվել, որ երեք կամավորների կողմից արձակված գնդակները գրեթե չեն կպել նրա սրտին, Ստանկոն ընտրել է մահացու ներարկումը։
Ստանկոյի մահապատիժը չորսից վերջինն է, որոնք նախատեսված էին ողջ երկրում այս շաբաթ։
