ԱՄՆ Տեխաս նահանգի Սան Անտոնիո քաղաքում հեղեղման հետեւանքով առնվազն 11 մարդ է մահացել, անհայտ թվով մարդկանց որոնողական աշխատանքները դեռեւս շարունակվում են, հաղորդել է NBC News-ը։
Հինգշաբթի վաղ առավոտյան քաղաքը հեղեղվել է, երբ ամպրոպները Տեխասով տեղափոխվել են դեպի արեւելք եւ առաջացրել երկու տորնադո, նշել է Ազգային օդերեւութաբանական ծառայությունը։ Ավելի վաղ հաղորդվել էր, որ անհետ կորածների թիվը մոտ երեքն էր, այն բանից հետո, երբ հաստատվել էր 11 մարդու մահվան փաստը։
Հինգշաբթի օդերեւութաբանական ծառայությունը հայտնել է, որ Պերին-Բեյթել ճանապարհին կամ դրա մոտակայքում արագ բարձրացող ջրերը 15 մեքենա են քշել, որտեղ կեսգիշերից մինչեւ առավոտյան ժամը 4-ը տեղացել է մինչեւ 8 դյույմ անձրեւ։
Տասը մարդ փրկվել է, իսկ երկուսը ինքնուրույն դուրս է եկել հեղեղման գոտուց, հայտնել է օդերեւութաբանական ծառայությունը։
