ՀՀ ԱԳՆ-ն վերահաստատել է լրատվամիջոցների ազատության նկատմամբ ամուր հանձնառությունը

Հայաստանի արտաքին գործերի նախարարությունը Մամուլի ազատության համաշխարհային օրվա առիթով վերահաստատել է լրատվամիջոցների ազատության նկատմամբ ամուր հանձնառությունը:

X-ի իր միկրոբլոգում այս մասին գրառում է կատարել ԱԳՆ մամուլի խոսնակ Անի Բադալյանը:

«Մամուլի ազատության համաշխարհային օրվա առիթով մենք վերահաստատում ենք լրատվամիջոցների ազատության նկատմամբ մեր ամուր հանձնառությունը՝ որպես մեր քաղաքացիների իրավունքների պաշտպանության կարևոր բաղադրիչ։ Նույն տրամաբանությամբ մենք շարունակում ենք ջանքերը՝ ուղղված ապատեղեկատվության դեմ պայքարին և սրընթաց տեխնոլոգիական առաջընթացի հետևանքով առաջացած մարտահրավերների հաղթահարմանը»,–նշել է խոսնակը:

ԱԳՆից հիշեցրել են՝ Հայաստանը նշանակալի նվաճումներ է գրանցել, այդ թվում՝ «Մամուլի ազատության ինդեքս» 2025–ում 9 դիրքով առաջխաղացում գրանցելով ու 34-րդ հորիզոնականը զբաղեցնելով, որը ժողովրդավարական դիմադրողականության և բարեփոխումների ջանքերի պարզ վկայություն է։

Լրահոս

Օրացույց

Մայիսի 2025
Ե Ե Չ Հ Ու Շ Կ
 1234
567891011
12131415161718
19202122232425
262728293031