ԱՄՆ-ի կողմից Իրանի դեմ սահմանված պատժամիջոցները նպատակ ունեն խաթարել զարգացող երկրների միջև հարաբերությունները։ Թեհրանը կդիմադրի Վաշինգտոնի տնտեսական ճնշմանը։
«Իրանի արտաքին գործերի նախարարության պաշտոնական ներկայացուցիչ Էսմայիլ Բաղային խստորեն դատապարտել է ԱՄՆ-ի նոր պատժամիջոցներն Իրանի և մի շարք այլ պետությունների ֆիզիկական և իրավաբանական անձանց նկատմամբ՝ Իրանի հետ տարբեր տնտեսական ոլորտներում նրանց համագործակցության պատրվակով»,- ասվում է հաղորդագրության մեջ:
Իրանի ԱԳՆ ներկայացուցչի խոսքով՝ ամերիկյան պատժամիջոցները խախտում են միջազգային իրավունքի հիմնական սկզբունքներն ու նորմերը։ Բաղային նշել է, որ Թեհրանը կդիմադրի Վաշինգտոնի տնտեսական ճնշմանը։
Ապրիլի 30-ին ԱՄՆ վարչակազմը սահմանափակումներ է կիրառել Իրանում, Արաբական Միացյալ Էմիրություններում և Թուրքիայում գտնվող յոթ կազմակերպությունների նկատմամբ, որոնք ենթադրաբար զբաղվում են իրանական նավթի և նավթաքիմիական արտադրանքի առևտրով։ Սահմանափակումների է ենթարկվել նաև երկու նավ։
