Աշխարհահռչակ երգչուհի Ջենիֆեր Լոպեսի երևանյան համերգի տոմսերի վաճառքը սկսվելու է ապրիլի 29-ից՝ Հայաստանի ժամանակով ժամը 12։00-ին։
Այս մասին Ջենիֆեր Լոպեսը գրել է «Ֆեյսբուք»-ի իր էջում։
Տոմսերի արժեքը սկսվում է 25 հազար դրամից: Կան նաև տոմսեր 35 հազար, 50, 55, 60 և 180 հազար դրամ արժողության։
Հիշեցնենք՝ միջազգային հռչակ վայելող երգչուհի Ջենիֆեր Լոպեսը համաշխարհային տուրի շրջանակներում համերգով հանդես կգա նաև Հայաստանում։
Երգչուհին հրապարակել է ամառային ամիսներին կայանալիք համերգային տուրի մասին տեղեկատվություն, որից պարզ է դառնում՝ վերջին կանգառը Երևանն է:
Լոպեսը “Up all night” խորագրով համաշխարհային տուրի շրջանակներում ելույթ կունենա Երևանում օգոստոսի 3-ին Վազգեն Սարգսյանի անվան Հանրապետական ստադիոնում։ Համերգի սկիզբը ժամը 20։00-ին։
