Հայաստանի մարմնամարզության հավաքականը մեկնել է Դոհա` մասնակցելու աշխարհի գավաթի խաղարկության 5-րդ փուլին:
Այս մասին հայտնում է Հայաստանի մարմնամարզության ֆեդերացիան:Ապրիլի 14-20-ը Քաթարի Դոհա քաղաքում կկայանա սպորտային մարմնամարզության աշխարհի գավաթի 5-րդ փուլը, որին Հայաստանի թիմը կմասնակցի հետևյալ կազմով` Արթուր Դավթյան, Վահագն Դավթյան, Արթուր Ավետիսյան, Համլետ Մանուկյան, Մամիկոն Խաչատրյան:
Ավելի վաղ կայացել էր աշխարհի գավաթի խաղարկության 4-րդ փուլը, որտեղ Համլետ Մանուկյանը դարձել էր ոսկե, իսկ Արթուր Դավթյանն ու Արթուր Ավետիսյանը` բրոնզե մեդալակիրներ:
