ՀՀ վարչապետ Նիկոլ փաշինյանի մամուլի խոսնակ Նազելի Բաղդասարյանի տնից գողացել են մոտ 2 մլն 700 հազար դրամ արժողությամբ զարդեր։ Այս մասին նա հայտնել է ԱԺ-ում լրագրողների հետ զրույցում:
«Լրատվականներից մեկում կարդացի` առանձնակի խոշոր չափերի գումար։ Եթե չեմ սխալվում, Քրեական օրենսգրքով առանձնակի խոշոր չափերի գումար է համարվում 5 մլն դրամից ավելին։ Խնդրեցի այդ լրատվամիջոցին իրականությանն ավելի մոտ թվեր գրել»,- ասել է Բաղդասարյանը:
Նրա խոսքով՝ գողոնն ամբողջությամբ ոսկյա զարդեր են եղել։ Տեխնիկա ու կանխիկ գումար չեն տարել։
