Վերին Լարսի հերթում վերջին տվյալներով 552 հայկական բեռնատար կա։
Այս մասին են վկայում Հյուսիսային Օսեթիայի ճանապարհային երթևեկության կազմակերպման կենտրոնի տվյալները։
Ընդհանուր առմամբ, վերջին տվյալներով, հերթում գրանցվել է 1,970 բեռնատար տարբեր երկրներից։
Հիշեցնենք՝ միջազգային նշանակության Մցխեթա-Ստեփանծմինդա-Լարս (դեպի Ռուսաստանի Դաշնության սահման) ավտոմոբիլային ճանապարհի Մլեթա-Գուդաուրի և Գուդաուրի (Փոստ)-Կոբի հատվածներում, ձնահոսքի բարձր վտանգով պայմանավորված, ժամանակավոր սահմանափակվել է բոլոր ավտոմեքենաների տեղաշարժը: Բացի այդ, ձյան տեղումներ են:
