Ֆրանսիայի հավաքականի նախկին հարձակվող Օլիվյե Ժիրուի տունը Լոս Անջելեսում կողոպտվել է, ինչի հետևանքով անհետացել են մոտ 500 հազար դոլար արժողությամբ թանկարժեք իրեր, այդ թվում՝ ավելի քան 10 շքեղ ժամացույց։
Փետրվարի 5-ին Ժիրուի կինը տանը հայտնաբերել է կոտրված պատուհան և դիմել ոստիկանություն։ Լոս Անջելեսի իրավապահները շարունակում են հետաքննությունը, սակայն առայժմ ձերբակալվածներ չկան։
38-ամյա Ժիրուն 2024-ի հուլիսից հանդես է գալիս «Լոս Անջելես» ակումբում։ Նա նախկինում խաղացել է «Միլանում», «Չելսիում», «Արսենալում» և այլ ակումբներում։ Ֆրանսիայի հավաքականի կազմում անցկացրել է 137 խաղ, խփել 57 գոլ, դարձել 2018-ի աշխարհի չեմպիոն և ազգային թիմի պատմության լավագույն ռմբարկուն։ 2024-ի հուլիսին նա ավարտել է կարիերան հավաքականում։
