Կցրտի 10-14 աստիճանով. Երևանում ու մարզերում սպասվում են ձյան ինտենսիվ տեղումներ

Հիդրոօդերևութաբանության և մոնիթորինգի կենտրոնը զգուշացնում է, որ փետրվարի 19-ի երեկոյան ժամերին, 20-23-ին հանրապետության տարածքում սպասվում է ձյուն:

Փետրվարի 20-21-ին առանձին շրջաններում և Երևանում տեղումները կլինեն շատ ուժեղ, լեռնային առանձին մարզերում՝ բուք, ցածր հորիզոնական տեսանելիություն։

Հանրապետության ճանապարհներին սպասվում է մերկասառույց։

Օդի ջերմաստիճանը փետրվարի 20-22-ին և՛ գիշերը, և՛ ցերեկն աստիճանաբար կնվազի 10-14 աստիճանով։