Հունվարի 1-ից փետրվարի 13-ը ձեռք է բերվել տրանսպորտի շուրջ 123 հազար տոմսային փաթեթ

Հունվարի 1-ից մինչև փետրվարի 13-ը միասնական տոմսային համակարգի շրջանակում ձեռք է բերվել 123 հազար 293 տոմսային փաթեթ, տեղեկացնում է Երևանի քաղաքապետարանի խոսնակը՝ առանց մանրամասնելու փաթեթների տեսակները:

Հայկ Կոստանյանի ֆեյսբուքյան գրառման համաձայն՝ արտոնյալ և անվճար օգտվելու իրավունք ստացած տոմսային փաթեթների ընդհանուր թիվը կազմել է 20 հազար 889։