Դոնեցկի Ժողովրդական Հանրապետության Բռնցքամարտի ֆեդերացիայի ղեկավար Արմեն Սարգսյանի դեմ մահափորձը պատվիրված եւ մանրակրկիտ ծրագրված էր։ Այս մասին ՏԱՍՍ-ին հայտնել են օպերատիվ ծառայությունները։
«Սարգսյանի դեմ մահափորձը մանրակրկիտ ծրագրված եւ պատվիրված էր։ Ներկայում քննիչները պարզում են հանցագործության պատվիրատուների ինքնությունը»,- ասել է գործակալության զրուցակիցը։
Երկուշաբթի առավոտյան «Ալ առագաստներ» բնակելի համալիրի Ավիացիոննայա փողոցի բնակելի շենքի մուտքի մոտ պայթյուն է որոտացել։ Փաստի առիթով հարուցվել է քրեական գործ։ Դեպքի վայր է ժամանել Հյուսիսարեւմտյան վարչական շրջանի դատախազ Մաքսիմ Կիսելյովը։ Մայրաքաղաքի քննչական կոմիտեի քննիչներն ու քրեագետները օպերատիվ ծառայությունների հետ միասին կատարում են դեպքի վայրի զննություն։
