Հունվարի 18-ից 23-ը Հայաստանի հոկեյի հավաքականը կշարունակի նախապատրաստվել ապրիլին Երևանում կայանալիք տնային աշխարհի առաջնությանը։ Այս մասին հայտնում է Հայաստանի տափօղակով հոկեյի ազգային ֆեդերացիայի մամուլի քարտուղարությունը:
Ազգային հավաքականը ուսումնամարզական հավաք կանցկացնի Մոսկվայում, որտեղ մի քանի ընկերական հանդիպումներ կանցկացնի։
Նշենք՝ ապրիլի 12-20-ը Հայաստանում կանցկացվեն տափօղակով հոկեյի աշխարհի առաջնության IV դիվիզիոնի խաղերը: Առաջնության շրջանակում կանցկացվի 15 հանդիպում, որոնց կմասնակցեն Հայաստանի, Իրանի Իսլամական Հանրապետության, Քուվեյթի, Մալայզիայի, Ինդոնեզիայի և Ուզբեկստանի հավաքականները:
Մինչ այդ էլ՝ հունվարի 24-25-ը, կկայանան AHL կանոնավոր առաջնության վերջին հանդիպումները, որոնց արդյունքներով կպարզվեն հաղթողը, ինչպես նաև փլեյ-օֆֆի կիսաեզրափակիչ զույգերը։
Փետրվարի 8-9-ն էլ կանցկացվեն Գրիգորի Մկրտչյանի գավաթի խաղարկության կիսաեզրափակչի առաջին հանդիպումները։
