ՆԱՏՕ-ի գլխավոր քարտուղար Մարկ Ռյուտեն հայտարարել է պաշտպանական ծախսերի ավելացման, պաշտպանական արդյունաբերության ամրապնդման եւ արտադրության ընդլայնման անհրաժեշտության մասին:
Նա նշել է, որ Հյուսիսատլանտյան դաշինքն առայժմ բավարար քանակությամբ ռազմական արտադրանք չի արտադրում երկարաժամկետ հեռանկարում իրեն պաշտպանելու համար:
«Եթե մենք չավելացնենք պաշտպանական ծախսերը, չորս-հինգ տարի հետո մենք լուրջ խնդիրներ կունենանք»,- ասել է Ռյուտեն:
Միևնույն ժամանակ, նա նշել է, որ Ռուսաստանը ներկայումս դժվար թե հարձակվի ՆԱՏՕ-ի տարածքի վրա:
«Հիմա մենք վախենալու կարիք չունենք, սակայն երկարաժամկետ հեռանկարում ես անհանգստացած եմ», — հավելել է գլխավոր քարտուղարը:
