Արևմտյան երկրները փորձում են Հայաստանին ներքաշել իրենց ազդեցության գոտի և ապակայունացնել իրավիճակը Վրաստանում, հայտարարել է ՌԴ ԶՈՒ գլխավոր շտաբի պետ Վալերի Գերսիմովը օտարերկրյա ռազմական կցորդների համար ճեպազրույցում։
Նրա խոսքով, այդ փորձերը ցույց են տալիս շահագրգռվածություն՝ երկիրը ներքաշելու ակտիվ հակառուսական գործողությունների՝ ուկրաինական սցենարով։
«Անդրկովկասում իրավիճակը շարունակում է ծանր մնալ։ Արտատարածաշրջանային խաղացողների, առաջին հերթին ԱՄՆ-ի և Եվրամիության ցանկությունը՝ ամրապնդել իրենց դիրքերը տարածաշրջանում, պահպանել Վրաստանը և Հայաստանը ներքաշել իրենց ազդեցության ուղեծրում, կործանարար ազդեցություն ունի դրա զարգացման վրա»,- նշել է Գերասիմովը։
Գերասիմովն ասել է, որ Կովկասում ստեղծված բարդ իրավիճակի ֆոնին Ռուսաստանը կառուցողական քայլեր է ձեռնարկում այս տարածաշրջանում, մեծապես այդ ջանքերի շնորհիվ Բաքուն և Երևանը հաջողությամբ շարժվում են դեպի երկկողմ հարաբերությունների նորմալացում։
