Սիրիայի զինված ընդդիմությունը հայտարարել է, որ իր զինյալները գրավել են մայրաքաղաք Դամասկոսը, իսկ նախագահ Բաշար ալ-Ասադը փախել է երկրից:
«Արմենպրես»-ի հաղորդմամբ՝ ինչպես փոխանցում է «Ալ Ջազիրա»-ն, «Հայաթ Թահրիր ալ-Շամի» զինված խմբավորման հրամանատար Աբու Մուհամմեդ ալ-Ջուլանին հայտարարել է, որ բոլոր կառավարական հաստատությունները կմնան վարչապետի ենթակայության տակ, քանի դեռ պաշտոնապես չեն հանձնվել:
Ըստ աղբյուրի՝ Սիրայի նախագահ Բաշար Ալ-Ասադի գտնվելու վայրը դեռևս հայտնի չէ:
Մասնավորապես՝ Reuters լրատվական գործակալությունը, վկայակոչելով բանակի բարձրաստիճան սպաներին, այսօր վաղ առավոտյան հայտնել է, որ Ասադն ինքնաթիռով մեկնել է անհայտ ուղղությամբ։
