Մյունխենի «Բավարիան» կրկնել է «Բարսելոնայի» ռեկորդը Չեմպիոնների լիգայի խմբային փուլում սեփական հարկի տակ անպարտելի լինելու առումով, հայտնում է Opta Sport-ը։
Աղբյուրի փոխանցմամբ՝ մյունխենցիները 33 խաղ անընդմեջ չեն պարտվում խմբային փուլի տնային հանդիպումներում՝ 31 հաղթանակ և երկու ոչ-ոքի: Այս շարքը մրցաշարի պատմության մեջ ամենաերկարն է «Բարսելոնայի» ռեկորդի հետ միասին, որը 2009-ից 2020 թվականներին 33 խաղ անպարտելի է եղել սեփական հարկի տակ:
Հիշեցնենք, որ Չեմպիոնների լիգայի ընդհանուր փուլի 5-րդ տուրի խաղում «Բավարիան» նվազագույն հաշվով հաղթել է ֆրանսիական ՊՍԺ-ին։ «Բավարիան» հինգ խաղից հետո Չեմպիոնների լիգայի մրցաշարային աղյուսակում զբաղեցնում է 11-րդ տեղը։ Թիմն ունի ինը միավոր:
