«Մանկական Եվրատեսիլ 2024»-ի մեր պատվիրակությունը մեկնել է Մադրիդ, ասվում է Առաջին ալիքի հայտարարության մեջ: Լուսանկարում մեր ներկայացուցիչը՝ Լեոն, շրջապատված է պատվիրակության մյուս անդամներով, նրա կողքին են նաեւ ծնողները՝ Մարտին Մկրտչյանն ու Հռիփսիմե Հակոբյանը: Մեր ներկայացուցչին ճանապարհել են Հայաստանի դրոշների ուղեկցությամբ ու բարձր տրամադրությամբ:
Լեոն մրցույթում Հայաստանը ներկայացնելու է Cosmic Friend երգով: Երգի երաժշտության հեղինակը tokionine-ն է (Դավիթ Բադալյան), խոսքերը գրել են Վահրամ Պետրոսյանն ու Մալենան, տեսահոլովակի ռեժիսորն Արթուր Մանուկյանն է:
«Մանկական Եվրատեսիլ 2024-ը» կայանալու է նոյեմբերի 16-ին՝ Մադրիդում:
