ՆԳ փոխնախարար Արփինե Սարգսյանը չի մեկնաբանում մամուլում շրջանառվող այն տեղեկությունները, որ ինքն է արդարադատության նախարարի հավանական թեկնածուն։
«Ես այդ թեմայով որևէ մեկնաբանություն չեմ պատրաստվում տալ, որովհետև ես այստեղ եմ որպես ՆԳ նախարարի տեղակալ։ Այս հարցի մասով այս պահին այսքանը»,- ԱԺ-ում լրագրողների հետ զրույցում ասաց Արփինե Սարգսյանը։
Հիշեցնենք, որ ՔՊ-ն ստորագրահավաք էր սկսվել արդարադատության նախկին նախարար Գրիգոր Մինասյանի պաշտոնանկության համար։ Դրան հաջորդեց արդարադատության նորանշանակ փոխնախարար Սիրվարդ Գևորգյանի հրաժարականը։ Հոկտեմբերի 1-ին Մինասյանը հրաժարական տվեց ՀՀ արդարադատության նախարարի պաշտոնից, իսկ հոկտեմբերի 2-ին ՀՀ նախագահը ստորագրեց համապատասխան որոշումը։
