Հայաստանի վարչապետի և Ռուսաստանի նախագահի՝ այսօր Մոսկվայում կայացած հանդիպման ժամանակ համաձայնություն է ձեռք բերվել, որ 2025 թվականի հունվարի 1-ից Հայաստան-Իրան և Հայաստան-Թուրքիա պետական սահմանի պահպանությանը կմասնակցեն նաև ՀՀ Ազգային անվտանգության ծառայության Սահմանապահ զորքերը, իսկ Հայաստան-Իրան պետական սահմանի հսկիչ-սահմանային կետում ծառայությունն ամբողջությամբ կիրականացվի ՀՀ ԱԱԾ Սահմանապահ զորքերի ուժերով։ Այս մասին հաղորդում է ՀՀ վարչապետի խոսնակ Նազելի Բաղդասարյանը:
Նիկոլ Փաշինյանը Վլադիմիր Պուտինին շնորհակալություն է հայտնել Հայաստանի անկախությունից ի վեր Հայաստան-Իրան պետական սահմանի հսկիչ-սահմանային կետում ՌԴ ԱԴԾ Սահմանապահ զորքերի իրականացրած ծառայության համար, ասված է հաղորդագրությունում:
Այս տարվա օգոստոսի 1-ից ռուս սահմանապահները դուրս են եկել Երևանի «Զվարթնոց» օդանավակայանից:
