Իսրայելը վստահեցրել է ԱՄՆ-ին, որ մտադիր է զորքերը դուրս բերել լիբանանյան տարածքից՝ լիբանանյան «Հեզբոլլահ» շարժման ենթակառուցվածքների ոչնչացումից հետո։ Այս մասին աղբյուրներին հղումով գրում է ամերիկյան Axios պորտալը։
«Աղբյուրի համաձայն՝ ԱՄՆ-ի և Իսրայելի պաշտոնյաների միջև 48 ժամ տեւած բարձր մակարդակի բանակցությունների ընթացքում իսրայելցիները հավաստիացրել են Սպիտակ տանը, որ այս պլանը ավելի նեղ ուղղվածություն ունի և ուղղված է Իսրայելի սահմանի մոտ «Հեզբոլլահ»-ի ենթակառուցվածքների մաքրմանը և այնուհետև հետ քաշել Իսրայելի բանակային ուժերը»,- ասվում է պորտալում:
Աղբյուրների համաձայն՝ Սպիտակ տունը շաբաթավերջին անհանգստացած էր, որ Իսրայելը մեծ ցամաքային ներխուժում է նախապատրաստում: Վաշինգտոնն իր մտահոգությունն է հայտնել Իսրայելին. Իսրայելի բարձրաստիճան պաշտոնյան նաև պորտալին ասել է, որ իսրայելական գործողության պլանները ի սկզբանե սահմանափակ են եղել:
Հոկտեմբերի 1-ի գիշերը Իսրայելի Պաշտպանության բանակը (IDF) հայտարարեց հարավային Լիբանանում Հեզբոլլահի դեմ սահմանափակ ցամաքային հարձակումների մեկնարկի մասին։ Իսրայելական բանակը հայտնել է, որ սահմանամերձ գյուղերում եղել են «տեղայնացված, նպատակաուղղված ցամաքային հարձակումներ», որոնք անմիջական վտանգ են ներկայացնում իսրայելական բնակավայրերի համար:
