Ռուսաստանն ու Ուկրաինան փոխանակել են ռազմագերիներին։ Մասնավորապես, Կուրսկի շրջանի զինվորականները վերադարձել են Ռուսաստան, իսկ լրագրող Լենյա Ումերովան՝ Ուկրաինա։ Ուկրաինայի նախագահ Վլադիմիր Զելենսկին հայտարարել է ռազմագերիների փոխանակման մասին։ Փոխանցում է theins.ru-ն։
Զելենսկու խոսքով՝ Ուկրաինա է վերադարձել 49 մարդ, այդ թվում՝ Ուկրաինայի զինված ուժերի զինվորականներ, ոստիկաններ, սահմանապահներ և քաղաքացիական անձինք։ Փոխանակման մասնակիցներից մեկը Ղրիմի թաթար Լենյա Ումերովան էր, ով նախկինում ձերբակալվել էր Ռուսաստանում՝ լրտեսության մեղադրանքով։
25-ամյա Ումերովան ձերբակալվել էր ռուս-վրացական սահմանին 2022 թվականի դեկտեմբերի սկզբին, երբ նա Թբիլիսիից Սիմֆերոպոլ էր մեկնում հիվանդ հորը տեսակցելու։ 2023 թվականի մայիսին Ումերովային մեղադրանք է առաջադրվել լրտեսության համար (Քրեական օրենսգրքի 276-րդ հոդված), և այդ ժամանակվանից նա գտնվում էր նախնական կալանքի տակ։ Նրա գործը գաղտնազերծվել է:
