Ադրբեջանի արտաքին գործերի նախարարության մամուլի քարտուղար Այխան Հաջիզադեն արձագանքել է Եվրոպայի խորհրդի Խոշտանգումների կանխարգելման կոմիտեի հայտարարության առնչությամբ Եվրամիության սեպտեմբերի 11-ի հայտարարությանը:
Դրանում կոմիտեն նշել էր, որ տարիներ շարունակ Ադրբեջանի մի շարք գերատեսչություններ, այդ թվում՝ իրավապահ կառույցները, մերժում են «քայլեր ձեռնարկել՝ կյանքի կոչելու Կոմիտեի երկարամյա հանձնարարականները՝ դադարեցնելու խոշտանգումների պրակտիկան»։
Եվրամիությունն Ադրբեջանին կոչ է արել վերսկսել համագործակցությունը ԵԽ կոմիտեի հետ և վերջ տալ լրագրողների ու ակտիվիստների հետապնդումներին:
«Թեմային ադնրադարձել է Ադրբեջանի ԱԳՆ խոսնակ Այխան Հաջիզադեն՝ հայտարարելով, թե ԵՄ-ն կողմնակալ և անարդար հայտարարություններ է արել, որոնք Ադրբեջանի կողմից գնահատվում են որպես միջամտություն իր երկրի ներքին գործերին:
«Մասնավորապես, COP29-ի նախաշեմին Ադրբեջանի դեմ ուղղված այս զրպարտչական արշավը մեր երկրի նկատմամբ կողմնակալության վառ օրինակ է»,- նշել է ԱԳՆ ներկայացուցիչը:Նա խորհուրդ է տվել Եվրամիությանը կենտրոնանալ ԵՄ անդամ երկրներում մարդու իրավունքների խախտումների վրա:
