«Հարգելի ընկերներ, ցանկանում եմ Ձեզ տեղեկացնել, որ այսօրԿԸՀ-ից ստացա իմ պատգամավորական մանդատը»։
Այս մասին «Ֆեյսբուք»-ի իր էջում գրել է ԱԺ «Քաղաքացիական պայմանագիր» խմբակցության նախկին պատգամավոր Գուրգեն Արսենյանի մանդատը ստացած Արմենուհի Ղազարյանը:
«Գիտակցում եմ`օրենսդիրում աշխատելու մեծ պատասխանատվությունս։ Քաղաքական թիմիս հետ`պատրաստ եմ մասնակցելու երկրիս ու ժողովրդիս առջև ծառացած խնդիրների լուծմանը»,- գրել է Ղազարյանը:
Ավելի վաղ հայտնել էինք, որ Կենտրոնական ընտրական հանձնաժողովը ԱԺ «Քաղաքացիական պայմանագիր» խմբակցության նախկին պատգամավոր Գուրգեն Արսենյանի մանդատը տրամադրել է կուսակցության ընտրական ցուցակի առաջին մասի հերթական հաջորդ թեկնածու Արմենուհի Նշանի Ղազարյանին։
Հիշեցնենք՝ ԱԺ նախկին պատգամավոր Գուրգեն Արսենյանը նշանակել է Ռուսաստանի Դաշնությունում Հայաստանի Հանրապետության արտակարգ և լիազոր դեսպան:
