Ինչպես հայտնի է, հուլիսի 9-10-ը ՀՀ ԱԳ նախարար Արարատ Միրզոյանն աշխատանքային այցով կգտնվի Վաշինգտոնում։ Նա կմասնակցի ՆԱՏՕ-ի գագաթաժողովի՝ գործընկերների ձևաչափով միջոցառմանը և կազմակերպության 75-ամյակին նվիրված հարակից միջոցառումներին։
Այս հանդիպմանը հրավիրված է նաև Ադրբեջանը:
«Հայկական ժամանակ»-ին ԱԳՆ-ից հայտնել են, որ Վաշինգտոնում Հայաստանի և Ադրբեջանի արտգործնախարարների հանդիպման պայմանավորվածություն չկա:
Այն, որ Հայաստանն ու Ադրբեջանը հրավիրվել են ՆԱՏՕ-ի 2024-ի գործընկերների հետ հանդիպմանը, հունիսի վերջին Բաքվում տեղեկացրել էր ԱՄՆ պետքարտուղարի տեղակալ Ջեյմս Օ’Բրայենը։