Այսօր՝ հուլիսի 4-ին, ինքնասպանության դեպք է տեղի ունեցել Երևանում։ Ժամը 00։50-ի սահմաներում ՀՀ Ներքին գործերի նախարարության ոստիկանության Մաշտոցի բաժին օպերատիվ տեղեկություններ են ստացվել, որ մի քաղաքացի անցել է Կիևյան կամրջի վտանգավոր եզրագիծը և սպառնում է նետվել։
Նմանատիպ ահազանգ ստացվել է նաև ՀՀ ՆԳՆ փրկարար ծառայության 9-11 ճգնաժամային կառավարման ազգային կենտրոն։
Ինչպես հայտնում է shamshyan.com-ը, մինչ փրկարարների ու ոստիկանների դեպքի վայր ժամանելը 50-55 տարեկան քաղաքացին նետվել է կամրջից։
Դեպքի փաստով նախաձեռնվել է քրեական վարույթ, պարզվում է մահացածի ինքնությունը։
