«Վստահ ե՞ք, որ դիվերսանտ է անցել»:
Այս մասին այսօր՝ լրագրողների հետ ճեպազրույցի ժամանակ ասաց ԱԺ նախագահ Ալեն Սիմոնյանը՝ արձագանքելով լրագրողի դիտարկմանը, թե ադրբեջանցի դիվերսանտ է անցել:
«Ծանո՞թ եք իր հետ, ծանո՞թ եք. անհայտեացել է ադրբեջանցի զինվոր, իսկ ի՞նչ գիտեք, կարողա եկել հանձնվելա, կարողա մոլորվելա, կարողա գերի ենք վերցրել, ի՞նչ գիտեք, որտեղի՞ց գիտեք:
Դա իմ որոշելիքը չի՝ ասել թե՞ չասել, այսինքն երկիրն «ավերվում» է, բայց պետությունն այնքան բաց ու թափանցիկ է աշխատում, որ ես ձեզ պետքա գամ ասեմ՝ գիտեք ինչ, էդ ադրբեջանցի դիվերսանտը եկելա, ընթացքում էսա ասել, էնա ասել, պետական գաղտնիք բան գոյություն չունի՞»,- ասաց Սիմոնյանը:
Հիշեցնենք, ավելի վաղ Ադրբեջանի պաշտպանության նախարարության մամուլի ծառայությունից հայտնել են, որ Նախիջևանի Ինքնավար Հանրապետության Սադարակի շրջանի Գյուննուտ գյուղի մոտ անհայտ հանգամանքներում անհետացել է ադրբեջանական բանակի զինծառայող:
