ՀՀ վարչապետ Նիկոլ Փաշինյանն ու ՀՀ պատվիրակության մյուս անդամները հանդիպել են Իրանի հոգևոր առաջնորդ այաթոլլա Սեյեդ Ալի Հոսեյնի Խամենեիի հետ, հայտնում է Tasnim գործակալությունը:
Այսօր հաղորդվել էր, որ Փաշինյանն աշխատանքային այցով ժամանել է Իրանի Իսլամական Հանրապետություն:
«Մեհրաբադ» օդանավակայանում Փաշինյանին դիմավորել է Իրանի փոխնախագահ Դավուդե Մանզուրը:
Վարչապետը Թեհրանում կմասնակցի ԻԻՀ նախագահ Էբրահիմ Ռաիսիի, Արտաքին գործերի նախարար Հոսեյն Ամիր Աբդոլլահիանի և նրանց ուղեկցողների հարգանքի տուրքի և ցավակցություն հայտնելու պաշտոնական միջոցառմանը:
