ԵԱՀԿ-ը պատասխանատու դերակատար չէ, որպեսզի «ներխուժի» երկու երկրների միջև ընթացող գործընթացի մեջ, այսօր Երևանում հայտարարեց կազմակերպության գործող նախագահ Յան Բորգը։
«Այդ պատճառով մենք հարգում ենք երկու երկրների դիրքորոշումը այդ հարցի վերաբերյալ», — հավելեց Բորգը՝ պատասխանելով հարցին, թե արդյոք ԵԱՀԿ-ը փակել է արցախյան հարցը, եթե ոչ՝ ինչպե՞ս է պատկերացնում արցախցիների վերադարձն իրենց հայրենիք։
Ի դեպ, արցախցիներն այսօր մի լրագրողի օգնությամբ նամակ էին ուղարկել ԵԱՀԿ գործող նախագահին և Հայաստանի արտգործնախարարին՝ բարձրացնելով Արցախ վերադառնալու հարցը։ Յան Բորգն ասաց, թե սիրով կվերցնի այն։