ՀԱՊԿ-ը, մեր գնահատմամբ, չի կատարել Հայաստանի Հանրապետության նկատմամբ ստանձնած անվտանգության պարտավորությունները, մենք փաստացի սառեցրել ենք մեր մասնակցությունը կազմակերպությունում։
Այս մասին «Kathimerini» հունական պարբերականին տված հարցազրույցում ասել է ՀՀ վարչապետ Նիկոլ Փաշինյանը՝ հավելելով, որ Հայաստանը 2023 թվականի սեպտեմբերի դրությամբ ՀԱՊԿ-ում մշտական ներկայացուցիչ չունի, չի մասնակցում ՀԱՊԿ բարձրագույն մակարդակի հանդիպումներին, բայց չի էլ արգելափակում որոշումները։
Փաշինյանը նշել է, որ Հայաստանը բաց է բոլոր գործընկերների հետ փոխշահավետ հարաբերություններ հաստատելու և զարգացնելու համար և ունի հստակ դիրքորոշում տարածաշրջանում կայուն խաղաղության հաստատման հարցում։
«Այդ նպատակով մենք դիվերսիֆիկացնում ենք մեր հարաբերությունները անվտանգության հարցերի շուրջ»,- ասել է նա:
