Կառավարության որոշմամբ Եղիազար Վարդանյանը նշանակվեց քաղաքաշինության կոմիտեի նախագահ։
Եղիազար Վարդանյանը 2020 թվականից զբաղեցնում է Ճարտարապետության և շինարարության Հայաստանի ազգային համալսարանի ռեկտորի պաշտոնը։
Հիշեցնենք՝ այս պաշտոնը թափուր էր դեռևս հունվարից, երբ հունվարի չորսին ՀՀ վարչապետն այցելել էր Արմավիրի և Լոռու մարզերում պետական բյուջեի միջոցներով կառուցվող հաստատություններ և բազմաթիվ խնդիրներ արձանագրել:
Այցերին հետևել էին պաշտոնանկություններ․ ՀՀ քաղաքաշինության կոմիտեի նախագահ Արմեն Ղուլարյանը ևս ազատվել էր պաշտոնից: Նա կոմիտեն ղեկավարում էր 2021 թվականի հունվարի 27-ից։