Հայաստանում առևտրային բանկերն ինքնուրույն են որոշում, թե որ վճարային համակարգերի հետ համագործակցեն՝ ելնելով ռիսկերի կառավարման ռազմավարությունից (ներառյալ պատժամիջոցների ռիսկերը):
Այս մասին հայտնում են ՀՀ կենտրոնական բանկից՝ պարզաբանելով «Միր» քարտերի շրջանառության վերաբերյալ ավելի վաղ հրապարակված տեղեկատվությունը:
Միաժամանակ նշվում է, որ սպասարկման պայմանների ցանկացած փոփոխության դեպքում բանկերը պետք է այդ մասին տեղեկացնեն իրենց հաճախորդներին։
Հիշեցնենք՝ «Միր» քարտերը մարտի 30-ից կդադարեն աշխատել Հայաստանի բանկերի մեծ մասի բանկոմատներում, բացառություն կկազմի «ՎՏԲ Հայաստան» բանկի ենթակառուցվածքը: