Նոյմեբերի 8-ին՝ ժամը 18։15-ի սահմաններում, Ալավերդի-Վանաձոր ավտոճանապարհին՝ Քոբեր-Թումանյան հատվածում, բախվել են «Ֆորդ Տրանզիտ» և «Աուդի» մակնիշի ավտոմեքենաները։
Shamshyan.com-ի հաղորդմամբ՝ վթարի հետևանքով 5 հոգի տարբեր աստիճանի մարմնական վնասվածքներով տեղափոխվել է «Ալավերդի» բժշկական կենտրոն։
Հրշեջ-փրկարարները հոսանքազրկել են ավտոմեքենաները և փակել գազի բալոնների փականները։ Տարածքը սահմանազատել են պարեկները։
Վթարի փաստով Թումանյանի քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի, վարորդների և վիրավորների ինքնությունները։
